banner3
baner 2
banner1

SINGAPURDAN XUSHXABAR OLDIK

SINGAPURDAN XUSHXABAR OLDIK

Kuni kecha matematika fani bo‘yicha o‘tkazilgan «Singapore International Math Olympiad Challenge – 2016» nomli xalqaro olimpiadada o‘quvchilarimizning beshta oltin medalni qo‘lga kiritgani, eng ulug‘, eng aziz bayramimiz – Mustaqilligimizning 25 yilligiga munosib tuhfa bo‘ldi.

22.08.2016 To'liq

XUSHXABAR O‘ZBEKISTON YOSHLARINING YANA BIR MUVAFFAQIYATI 32-son 2016

XUSHXABAR O‘ZBEKISTON YOSHLARINING YANA BIR MUVAFFAQIYATI 32-son 2016

Shu yilning 23–31-iyul kunlari Gruziya poytaxti Tbilisi shahrida kimyo fani bo‘yicha o‘tkazilgan 48-Butunjahon olimpiadasida O‘zbekiston yoshlari ishtirok etib, bitta kumush, ikkita bronza medal bilan qaytishdi. Nufuzli intellektual bella­shuvda 75 davlatdan uch yuzga yaqin o‘quvchi qatnashdi. Olimpiadada Toshkent pediatriya tibbiyot instituti qoshidagi Yunus­obod akademik litseyi o‘quvchisi Sarvar Shoyunusov kumush, Samarqand davlat tibbiyot ins­tituti qoshidagi 1-akademik litsey o‘quvchisi Jahongir Faxriyev hamda Toshkent tibbiyot akademiyasi qoshidagi akademik litsey o‘quvchisi Charos Omonova bronza medalni qo‘lga kiritdi.

08.08.2016 To'liq

BAYRAM TUHFASI 23-son 2016

BAYRAM TUHFASI 23-son 2016

Mustaqilligimizning 25 yilligi oldidan Andijon va Namangan viloyatlarida ham «Kitob olami» majmuasi foydalanishga topshirildi. Andijon shahar 30-umumta’lim maktabi direktori Feruza Yo‘ldosheva ham majmua bilan tanishish uchun o‘quvchilar bilan tashrif buyurdi. – «Kitob olami» vodiylik kitobxonlar qalbini quvonchga to‘ldirdi. Majmuani aylanar ekanmiz, kitob­larning o‘zgacha, yangicha uslubda rastalarni bezab turgani, ayniqsa, yangi nashrdan chiqqan rango-rang dizayn­dagi adabiyotlarni ko‘rib, ko‘zimiz quvnadi. Shu kuniyoq o‘quvchilarim o‘zlarini qiziqtirgan adabiyotlarni sotib olishdi. Maktabimiz kutubxonasi uchun esa yigirma dona kitob xarid qildik. Ular orasida ijtimoiy-siyosiy, iqtisodiy, badiiy kitoblar va albatta, jahon hamda o‘zbek xalq ertaklari ham bor. Kitobxonlar safi kun sayin kengayib borayotgan bir pallada, joylarda birin-ketin «Kitob olami» maj­muasining barpo etilishi ayni ko‘ngildagidek ish bo‘lmoqda. Demak, bugungi o‘quvchi kitob o‘qiyapti, o‘qiganda ham ma’naviy ehtiyojiga mosini tanlab, nodir kitoblarni o‘qiyapti.

06.06.2016 To'liq

FARG‘ONADA «KITOB OLAMI» 22-son 2016

FARG‘ONADA «KITOB OLAMI» 22-son 2016

Kitob inson qalbini yoritadi, orzu-istaklarni uyg‘otadi. Sohibqiron Amir Temur «Kitob barcha bunyodkorlik, yaratuvchanlik va aql-idrokning, ilm-u donishning asosidir, hayotni o‘rgatuvchi murabbiydir», deb bejiz aytmagan. Kuni kecha Farg‘ona viloyati hokimligi, O‘zbekiston Matbuot va axborot agentligi hamkor­ligida Farg‘ona shahrida «Kitob olami» majmuasining ochilish marosimi bo‘lib o‘tdi. Unda taniqli ijodkorlar, noshirlar va kitobxon o‘quvchilar ishtirok etishdi. «Kitob olami»da respublikamiz nashriyotlarida chop etilgan turli mavzulardagi adabiyotlar o‘rin olgan.

30.05.2016 To'liq

8 YOSHLI ISFANDIYOR - XALQARO TANLOV G‘OLIBI

Kuni kecha Ispaniya davlatida "Sea Sun festival" nomli xalqaro musiqa tanlovi bo‘lib o‘tdi. Dunyoning 13 mamlakatidan 300 nafarga yaqin yosh musiqachilar qatnashgan ushbu festivalda Samarqand viloyati, Bulung‘ur tumanidagi 23-umumta'lim maktabining 3-"B" sinf o‘quvchisi Isfandiyor MAHMUDOV o‘z iste'dodini namiyish etib, 1-o‘ringa sazovor bo‘ldi. Uning gitarada ijro etgan - dunyoning mashhur bastakorlari tomonidan bastalangan "Vals", "Blyuz" musiqiy asarlari hakamlar hay'ati tomonidan yuqori baholandi.

23.05.2016 To'liq

XAYR MAKTAB, SALOM KOLLEJ! 21-son 2016

Joriy yilda mamlakati­miz umumta’lim maktablarini 476616 nafar yigit-qizlar tamomlamoqda. Ularning 42870 nafari akademik litseylarda, 433738 nafari esa kasb-hunar kollejlarida tahsil olish istagini bildirgan. Biz barcha bitiruvchilarga katta hayot ostonasida omad va zafarlar tilaymiz!

23.05.2016 To'liq

O‘ZBEK YOSHLARI

Yaqinda Rossiyada dunyoning yigirma ikki mamlakatidan jami 125 nafar iqtidor egasi qatnashgan kimyo fani bo‘yicha 50-Xalqaro Mendeleyev olimpiadasida Toshkent pediatriya tibbiyot instituti qoshidagi Yunusobod akademik litseyi o‘quvchisi Sarvar Shoyunusov nazariy hamda eksperimental (amaliy) bellashuvlarda iqtidorini namoyish etib, kumush medalga sazovor bo‘ldi. Shuningdek, Samarqand davlat tibbiyot instituti qoshidagi 1-akademik litseyda tahsil olayotgan Jahongir Faxriyev va Toshkent tibbiyot akademiyasi qoshidagi akademik litsey o‘quvchisi Charos Omonova bronza medalni qo‘lga kiritdi.

16.05.2016 To'liq

XUSHXABAR_2015-52-son

Kuni kecha poytaxtimizdagi "Wyndham" mehmonhonasi anjumanlar zalida O‘zbekiston Mustaqil bosma ommaviy axborot vositalari va axborot agentliklarini qo‘llab-quvvatlash va rivojlantirish jamoa fondi tomonidan "Jamiyat va men" deb nomlangan respublika tanlovi g‘olib va sovrindorlarni taqdirlash marosimi bo‘lib o‘tdi. Unda O‘zbekiston bolalar va o‘smirlarning "Tong yulduzi: gazetasi I darajali diplom bilan taqdirlandi.

28.12.2015 To'liq

YANGI MAKTABGA – YUTUQLAR BILAN

Yaqinda maktabimizning yangi binosi qurilib, foydalanishga topshirildi. Bunday yuksak e’tibordan o‘quv dargohimiz ustoz-murabbiylari, o‘quvchilarning ko‘ngli tog‘dek ko‘tarildi. Quvonarlisi, bugun maktabda biz qishloq yoshlarining ta’lim olishimiz, sport bilan shug‘ullanishimiz uchun barcha sharoitlar yaratilgan. Men 2014–2015-o‘quv yilida ona tili fanidan o‘tkazilgan «Bilimlar bellashuvi»ning Respublika bosqichida faxrli o‘rinni egalladim. Bunda, albatta, ona tili va adabiyot fanidan saboq berayotgan ustozim Barnogul opaning xizmatlari juda katta. Maktabdoshlarim bilan birga izlanishda davom etib, fan cho‘qqisining eng yuqori marralarini egallashni oldimizga maqsad qilib oldik. Sarvinoz ODILBEKOVA, Xorazm viloyati, Hazorasp tumanidagi 2-umumta’lim maktabining 8-«B» sinf o‘quvchisi

30.11.2015 To'liq

BAYRAM TUHFASI

O‘zbekiston Respublikasi Konstitutsiyasi bayrami arafasida farg‘onalik yoshlarning quvonchi cheksiz. Ular uchun qo‘shaloq sovg‘a sifatida yangi sport majmualari bunyod etildi. Marg‘ilon shahri va Oltiariq tumanida qad rostlagan mazkur sport majmualarining ochilish marosimida so‘z olganlar mamlakatimizda bolalar sportiga yuksak e’tibor ko‘rsatilayotgani, sport bilan shug‘ullanayotgan o‘g‘il-qizlar sog‘lom, baquvvat bo‘lib ulg‘ayishayotganini to‘lqinlanib so‘zladilar. Bunday ezgu ishlar zamirida, eng avvalo, tinchlik, xotirjamlik turishini alohida ta’kidladilar. Muhammadjon MAHMUDOV, Farg‘ona viloyati

30.11.2015 To'liq