Dolzarb mavzular va ularga sharhlar

Dunyo miqyosida kechayotgan «Covid-19» pandemiyasi tufayli mamlakatimizda e’lon qilingan karantin davri ko‘pchilik uchun ma’lum bir qiyinchiliklar tug‘dirayotgani sir emas.

Qarangki, karantin davri hatto uy hayvonlari hayotiga ham o‘z ta’sirini o‘tkazayotgan ekan. Ba’zilar it yoki mushuklarini boqa olmayotganligi sababli ko‘chaga tashlab ketish hollari ko‘paydi. Bunday vaziyatga tushib qolgan jonivorlarni himoya ostiga olish biz odamlarning burchimizdir. Oilamizning yaqin do‘sti, ekolog-jurnalist Nargis Qosimova qarovsiz qolgan mushuklarni imkoni boricha boqishga harakat qiladi. Nargis opa ko‘p qavatli uyda yashaganliklari bois, barcha qarovsiz qolgan mushuklarni zimmasiga olish imkoniga ega emaslar. Ayni paytda 5 ta mushuk bolasini parvarishlayaptilar. Bundan tashqari, ko‘chada boqadigan mushuklari ham bor. Bir kuni Nargis opa ko‘chada bolalarning mushukchani oyoqlari bilan turtib qiynashayotganining guvohi bo‘libdi. Bolalar qancha tepkilamasin, mushukcha ularning izidan borib, tinmay miyovlar va javdiragan ko‘zlari bilan ulardan shafqat kutarmish... Nargis opa darrov mashinadan tushib, mushukchani dast ko‘tarib olibdilar. Bechora mushukcha ochlik va qo‘rquvdan dag‘-dag‘ qaltirarkan. – Bu ham sizlarga o‘xshagan bola-ku, nega tepasizlar? – deb bolalardan norozi bo‘libdilar. Shu mushukcha dadam ruxsat berganlari uchun ayni paytda biznikida. Nargis opa uni «Ko‘zmunchoq» deb nomlagan ekanlar. Bizga ham bu nom ma’qul bo‘ldi, chunki uning ko‘zlari haqiqatan ham munchoqqa o‘xshaydi. Nargis opa uni biznikiga olib kelganlarida, u hali judayam kichkina va nimjon edi. Bir hovuchgina jonivor, hammadan qo‘rqardi. Mana, oradan bir oy o‘tdi, u endi qo‘rqmaydi, aksincha, bizga ergashadi. Unga xonamizning bir burchagini ajratdik. Ovqatlanishi, suv ichishi uchun idishlar tayyorladik. Ko‘zmunchoq juda ozoda, ovqatlanib bo‘lgach, yuz-qo‘lini yuvadi. Hojat uchun belgilangan joyga, ya’ni maxsus qumga borishni ham o‘rganib oldi. Bir kuni u betob bo‘lib qoldi, faqat yotoqchilardi. Avvaliga unga nima bo‘lganini tushuna olmadik. Biz uni siladik, siypadik, og‘ziga suv tutdik, lekin u boshini ko‘tarolmasdi. Ko‘zlari g‘amgin, quloqlari shalpaygan holda edi. Bir payt u o‘rnidan amallab turib, qayergadir bormoqchi bo‘ldi. Lekin majolsizligidan yura olmadi. To‘satdan u o‘qchib, mehmonxonadagi gilamga qayt qilib yubordi. U qilgan ishidan shu qadar uyaldiki, devorga o‘girilib, boshini eggancha o‘tirib oldi. Uning o‘tirishi xuddi ayb ish qilib qo‘ygan yosh bolaning holatini eslatdi. Kechga borib uning ahvoli yaxshilandi. Mushukchamiz yosh boladay o‘yinqaroq va yoqimtoy. U oilamiz a’zosiga aylandi. Biz uni juda ham yaxshi ko‘ramiz. Biz mushukchadan tashqari to‘tilar boqamiz, gullar parvarishlaymiz. Ular xonadonimizga o‘zgacha shukuh bag‘ishlaydi, ayniqsa, mushukchamning o‘yinqaroqligi kayfiyatimni ko‘taradi. Aslida, biz – odamlar atrofimizdagi tabiat va jonzotlar uchun mas’ulmiz. Buni unutmasligimiz kerak.

Zeboxon SAIDOVA,
poytaxtimizning Shayxontohur
tumanidagi 314-umumta’lim
maktabi o‘quvchisi

 

 

Ko'rish
OTA–ONA DA...
Inson hayotda katta maqsadlar bilan yashashi lozimligi haqida ko‘p eshitganmiz. Mening ham orzu-umidlarim osmon qadar cheksiz. Aslida, orzularim oddiygina. Barcha tengdoshlarim qatori Vatanimga...
Ko'rish
KITOBLAR B...
Men kitobni mo‘jizalar xazinasi, degim keladi. Ular inson ongida mo‘jizalar yaratishga qodir. Dunyodagi eng mukammal ixtirolar ham kitob orqali dunyoga keladi. Shu bois munis onajonlari...
Ko'rish
IKKI ISTE’...
So‘z insonni tarbiyalash, uni kamolotga yetkazish jarayonida oqilona foydalanish mumkin bo‘lgan eng yaxshi vosita. O‘zbek milliy adabiyotida didaktik ruhda yaratilgan asarlar rivoji...
Sharh qoldirish
  1. Pick the yellow peach that looks like a sunset with its red, orange, and pink coat skin, peel it off with your teeth. Sink them into unripened...

    1. Pick the yellow peach that looks like a sunset with its red, orange, and pink coat skin, peel it off with your teeth. Sink them into unripened...

  2. Pick the yellow peach that looks like a sunset with its red, orange, and pink coat skin, peel it off with your teeth. Sink them into unripened...